Hvað er sanngjörn húsaleiga?
Með nýlegri breytingu á húsaleigulögum eru sett viðmið um sanngjarna og hæfilega húsaleigu. Þá er leigusölum nú skylt að skrá leigusamninga.
Um fræðsluna
Mannvirkjamál leggur áherslu á að miðla þekkingu á sviði skipulags- og mannvirkjamála og gera flókin lögfræðileg og stjórnsýsluleg álitaefni aðgengileg og hagnýt fyrir þá sem starfa á sviðinu.
Hér má finna fræðsluefni, greinar og umfjöllun um lög og reglur sem varða mannvirki, skipulag og stjórnsýslu, auk frétta og greina sem birtar hafa verið á öðrum vettvangi. Þá bjóðum við upp á sérhæfð námskeið, fyrirlestra og fræðslu fyrir fagaðila, fyrirtæki, sveitarfélög og aðra sem þurfa að takast á við þessar reglur í starfi sínu.
Fræðslan byggist á áralangri reynslu af lögfræðilegri ráðgjöf, stjórnsýslu, kennslu og stefnumótun á sviði mannvirkjamála. Áhersla er lögð á að tengja saman löggjöf og framkvæmd – að útskýra ekki aðeins hvað reglurnar segja, heldur einnig hvernig þær nýtast í raun og hvaða áhrif þær hafa á ábyrgð, ákvarðanatöku og dagleg störf þeirra sem koma að mannvirkjagerð og skipulagsmálum.
Fræðslan tekur meðal annars til
- skipulagsmála og skipulagslöggjafar
- mannvirkjalöggjafar og byggingarreglugerðar
- stjórnsýslu mannvirkjamála
- ábyrgðar og hlutverka aðila í mannvirkjagerð
- byggingarleyfisferla og eftirlits
- þvingunarúrræða og úrlausnar ágreiningsmála
- CE-merkinga og markaðseftirlits með byggingarvörum
- eldvarna og slökkviliðsmála
- gæðastjórnunarkerfa og faglegs eftirlits
- málefna húsfélaga
- nýrrar löggjafar og breytinga á regluverki
- annarra hagnýtra álitaefna sem tengjast skipulagi, mannvirkjum og stjórnsýslu
Skoðaðu fræðsluefnið hér að neðan eða kynntu þér þau námskeið og þá fræðslu sem Mannvirkjamál býður upp á.